Chicken Kothu Parotta Recipe in Tamil

சிக்கன் கொத்து பரோட்டா

தேவையான பொருட்கள் : 

1. 3 பரோட்டா 
2. 12 to 15 சிக்கன் துண்டுகள் 
3. 2 முட்டை 
4. 2 பெரிய வெங்காயம் 
5. 2 தக்காளி 
6. 1 பச்சை மிளகாய் 
7. 3 பூண்டு பல் 
8. 1 மேஜைக்கரண்டி மிளகுத் தூள் 
9. மிளகாய் தூள் தேவையான அளவு 
10. எண்ணெய் தேவையான அளவு 
11. உப்பு தேவையான அளவு 
12. சிறிதளவு கறிவேப்பிலை 
13. சிறிதளவு கொத்தமல்லி

செய்முறை : 

1. முதலில் வெங்காயம் நீளவாக்கில் சிறிய துண்டுகளாக வெட்டி கொள்ளவும் .
2. தக்காளி, பச்சை மிளகாய், பூண்டை முன்றையும் தனி தனியாக பொடியாக நறுக்கி கொள்ளவும்.
3. சிக்கனை சிறு சிறு துண்டுகளாக வெட்டி வைத்துக் கொள்ளவும். 
4. பின்பு பரோட்டாவை கடையில் வாங்கியோ அல்லது வீட்டிலே செய்தோ அதையும் சிறு சிறு துண்டுகளாக கைகளின் மூலம் பிய்த்து ஒரு கிண்ணத்தில் போட்டு வைத்துக் கொள்ளவும். 
5. அடுத்து ஒரு PAN ஐ மிதமான சூட்டில் அடுப்பில் வைத்து அதில் இரண்டு மேஜைக்கரண்டி அளவு எண்ணெய்யை சுட வைக்கவும். 
6. எண்ணெய் சூடேறியதும் அதில் நாம் நறுக்கி வைத்திருக்கும் வெங்காயத்தை போட்டு வெங்காயம் கண்ணாடி பதம் வரும் வரை அதை வதக்கவும். 
7. வெங்காயம் கண்ணாடி பதம் வந்ததும் அதில் நாம் பொடியாக நறுக்கி வைத்திருக்கும் பூண்டு, பச்சை மிளகாய், மற்றும் சிறிதளவு கருவேப்பிலையை போட்டு அதை நன்கு வதக்கவும். 
8. பின்பு அதில் நாம் நறுக்கி வைத்திருக்கும் தக்காளி, தேவையான அளவு உப்பு, அவரவர் விருப்பத்திற்கேற்ப மிளகாய் தூள், மற்றும் ஒரு மேஜைக்கரண்டி அளவு மிளகு தூள் சேர்த்து அதை நன்கு கிளறி தக்காளி நன்கு வதக்கவும். 
9. தக்காளி நன்கு வதங்கியதும் PAN ன் நடுவே ஒரு மேஜைக்கரண்டி அளவு எண்ணெய் ஊற்றி அதில் 2 முட்டையை உடைத்து ஊற்றி நன்கு கலந்து விட்டு அதை தக்காளியுடன் சேர்த்து கலந்து விடவும். 
10. அடுத்து அதில் நாம் சிறு சிறு துண்டுகளாக நறுக்கி வைத்திருக்கும் சிக்கனை போட்டு நன்கு கிளறி அதை சுமார் 2 நிமிடம் வரை வேக விடவும். 
11. 2 நிமிடத்திற்கு பிறகு அதில் நாம் சிறு சிறு துண்டுகளாக ஆக்கி வைத்திருக்கும் பரோட்டாவை போட்டு நன்கு கிளறி விடவும். 
12. பின்பு அதை இறக்குவதற்கு முன் சிறிதளவு கொத்தமல்லியை அதில் தூவி ஒரு கிளறு கிளறி அதை ஒரு BOWL க்கு மாற்றவும்.

இப்போது சுவையான சிக்கன் கொத்து பரோட்டா ரெடி.

#Chicken Kothu Parotta Recipe in Tamil*