Prawn Pepper Fry - Prawn Pepper Masala - Shrimp Pepper Fry 

இறால் மிளகு வறுவல்

தேவையான பொருட்கள் : 

1. 250 கிராம் இறால் 
2. 1 பெரிய வெங்காயம் 
3. 3 பல் பூண்டு 
4. 1 இஞ்சி துண்டு 
5. 2 to 3 காய்ந்த மிளகாய் 
6. 2 மேஜைக்கரண்டி தனியா 
7. 1 மேஜைக்கரண்டி சீரகம் 
8. 1 மேஜைக்கரண்டி மிளகு 
9. 2 பட்டை துண்டு 
10. 3 கிராம்பு 
11. 1 ஏலக்காய் 
12. தேவையான அளவு cooking oil 
13. தேவையான அளவு உப்பு 
14. சிறிதளவு கருவேப்பிலை 
15. சிறிதளவு கொத்தமல்லி

செய்முறை : 

1. முதலில்  நீளவாக்கில் மெலிதாக வெங்காயம் வெட்டவும், கருவேப்பிலை, மற்றும் கொத்தமல்லியை நறுக்கி வைத்துகொள்ளவும், இஞ்சி பூண்டை பேஸ்ட் போல அரைத்துக்கொள்ளவும், மற்றும் இறாலை நன்கு சுத்தம் செய்து கழுவி ஒரு கிண்ணத்தில் வைத்து கொள்ளவும். 
2. அடுத்து ஒரு P an ஐ மிதமான சூட்டில் அடுப்பில் வைத்து அதில் தனியா, சீரகம், மற்றும் மிளகை போட்டு அதை நன்கு வாசம் வரும் வரை வறுக்கவும். 
3. அது நன்கு வாசம் வந்ததும் அதை எடுத்து ஒரு தட்டில் கொட்டி பரப்பி விட்டு சிறிது நேரம் ஆற விட்டு பின்பு அதை ஒரு மிக்ஸி ஜாரில் போட்டு நன்கு அரைத்து எடுத்து ஒரு கிண்ணத்தில் வைத்து கொள்ளவும். 
4. பின்பு ஒரு கடாயை மிதமான சூட்டில் அடுப்பில் வைத்து அதில் சுமார் 2 மேஜைக்கரண்டி அளவு எண்ணெய் ஊற்றி அதை சுட வைக்கவும்.
5. எண்ணெய் சுட்ட பின் அதில் பட்டை, ஏலக்காய், கிராம்பு, மற்றும் காய்ந்த மிளகாயை சேர்த்து அதை சுமார் ஒரு நிமிடம் வரை வதக்கவும். 
6. ஒரு நிமிடத்திற்கு பிறகு அதில் நாம் நறுக்கி வைத்திருக்கும் வெங்காயத்தை போட்டு அதை நன்கு கலந்து விட்டு வெங்காயம் கண்ணாடி பதம் வரும் வரை அதை வதக்கவும். 
7. வெங்காயம் கண்ணாடி பதம் வந்ததும் அதில் நாம் அரைத்து வைத்திருக்கும் இஞ்சி பூண்டு பேஸ்ட்டை போட்டு இஞ்சி பூண்டு பேஸ்ட்டின் பச்சை வாசம் போகும் வரை அதை வதக்கவும். 
8. இஞ்சி பூண்டு பேஸ்ட்டின் பச்சை வாசம் போனதும் அதில் நாம் சுத்தம் செய்து கழுவி வைத்திருக்கும் இறாலை போட்டு அது நன்கு வெங்காயத்துடன் சேருமாறு அதை கலந்து விட்டு சுமார் ஒரு நிமிடம் வரை வேக விடவும். 
9. ஒரு நிமிடத்திற்கு பிறகு அதில் நாம் அரைத்து வைத்திருக்கும் மசாலா மற்றும் தேவையான அளவு உப்பு போட்டு அதை நன்கு கலந்து விட்டு சுமார் 4 லிருந்து 5 நிமிடம் வரை வேக விடவும். 
10. 5 நிமிடத்திற்கு பிறகு அதில் நாம் நறுக்கி வைத்திருக்கும் கருவேப்பிலை மற்றும் கொத்தமல்லியை தூவி அதை நன்கு கலந்து விட்டு சுமார் ஒரு நிமிடம் வரை வேக விடவும். 
11. ஒரு நிமிடத்திற்கு பிறகு அடுப்பை அணைத்து விட்டு இறால் மிளகு வறுவலை எடுத்து ஒரு தட்டில் வைத்து அதை சுட சுட பரிமாறவும்.

இப்பொழுது உங்கள் சூடான மற்றும் 

மிகவும் அசத்தலாக இருக்கும் இறால் மிளகு வறுவல் தயார்.

#Prawn Pepper Fry - Prawn Pepper Masala - Shrimp Pepper Fry*