Sri Saneeswara Bhagavan Temple Thirunallar

திருநள்ளாறு சனிபகவான் வழிபாட்டு முறை 

சனி பகவான் நவகிரகங்களுக்குள் எல்லா கோவிலிலும் இருக்கும் என்றாலும் திருநள்ளாறுக்கு எப்போதும் ஒரு தனி இடமுண்டு. சனியால் ஏற்படும் தோஷங்கள் நீங்க திருநள்ளாறுக்குச் சென்று பரிகாரங்கள் செய்வார்கள்.

திருநள்ளாறுக்குப் போனால் எப்படி சனிபகவானை வழிபட வேண்டும் என்பதை முதலில் தெரிந்து கொள்ளுங்கள்.

சனீஸ்வரர் சன்னதி

அம்மன் சன்னதிக்குச் சென்ற பின்பு தான் சனீஸ்வரர் சன்னதிக்குச் செல்ல வேண்டும். சிலர் எடுத்ததும் சனீஸ்வரன் சன்னிதிக்குச் செல்வார்கள். அப்படி சென்று வழிபடுவது முறையான வழிபாடு கிடையாது. இங்கு இருக்கின்ற இறைவனைப் பார்த்த பிறகு, சனி பகவானைச் சென்று வழிபட்டால் தான் சனிதோஷம் முற்றிலும் நீங்கப் பெறுவீர்கள்.

சனிபகவான் வழிபாடு

பொதுவாக எல்லா கோவில்களிலும் நவ கிரகங்கள் இருக்கும். அவற்றை மூன்று முறையோ ஒன்பது முறையோ சுற்றி விட்டு தீபம் ஏற்றி விட்டு வந்துவிடுவோம். ஆனால் இதுபோன்ற கிரகப் பெயர்ச்சிகள் நடக்கும் போது, ஒவ்வொரு நவ கிரகத்திற்கும் தனித்தனியே சிறப்பு அபிஷேகங்களும் பூஜைகளும் செய்யப்படும்.

ஏனென்றால் அந்த கிரகப் பெயர்ச்சியின் தாக்கம் நமக்கு ஏற்படாமல் நன்மை உண்டாக வேண்டும் என்று அந்த கிரகக் கடவுள்களைக் குளிர்விக்க இதையெல்லாம் செய்கிறோம்.

சனிபகவான் கோவில்

பொதுவாக எல்லா கோவில்களில் நவ கிரகங்கள் இருந்தாலும் அவற்றில் நாம் அதிகமாகப் பயப்படுவது சனிபகவானைப் பார்த்துத் தான். அந்த சனி பகவானுக்கென்று தனியே கோவில் இருப்பது என்றால் அது திருநள்ளாறு தான். சனிக்கிழமைகளில் மக்கள் கூட்டம் கூட்டமாகச் சென்று வழிபடுவார்கள். அதிலும் சனிப்பெயர்ச்சி என்றால் லட்சக்கணக்கான மக்கள் கூடுவார்கள். ஒவ்வொரு ராசிக்காரர்களும் தங்களுடைய ராசிக்கான பலன்களைப் பொருத்து, பரிகாரங்கள் செய்வார்கள்.

முறையான வழிபாடு

பொதுவாக எல்லோ கடவுளையும் வழிபடுவது போல அல்லாமல், சனி பகவானை வழிபடுவதென்று சில முறைகள் உண்டு. அவற்றின் அடிப்படையில் சனிபகவானை வழிபட்டால் அவருடைய தாக்கம் குறைந்து உங்களுக்கு நன்மைகளைச் செய்வார். அதிலும் திருநள்ளாறு கோவிலுக்கே சென்று சனிபகவானை வழிபடுவது எப்படி, என்னென்னசெய்ய வேண்டும் என்பது பற்றி விளக்கமாகப் பார்க்கலாம்.

திருநள்ளாறு சனி பகவான்

சனிப்பெயர்ச்சி அன்று திருநள்ளாறு சனிபகவான் கோவிலுக்கே சென்று வழிபட வேண்டும் என்று நினைப்பவர்கள், கோவிலுக்குள் அதிகாலையிலேயே இருக்கும்படி பார்த்துக் கொள்ளுங்கள்.

காலை 5 மணிக்கு முன்பாகவே அங்குள்ள நள தீர்த்தத்தில் நீராடி, கரையில் இருக்கும் நள விநாயகரையும் பைரவரையும் வழிபட வேண்டும்.

கோயிலில் உள்ள கங்காதீர்த்த கிணறை தரிசிப்பது மிக முக்கியம். பின்பு கோபுர வாசலுக்கு வநது ராஜ கோபுரத்தைத் தரிசிக்க வேண்டும். அடுத்ததாக, பக்தியோடு முதல் படிக்கட்டை வணங்கிக் கொண்டே, முதல் பிரகாரத்திற்குள் நுழைய வேண்டும். அங்கு சுவர்களில் நள சரித்திரங்கள் முழுதும் வரையப்பட்டிருக்கும். அதை பார்த்துக் கொ்டே காளத்திநாதரை வழிபட மறந்து விடாதீர்கள்.